Skólastjóraímynd

Það þarf ekki að velta lengi vöngum yfir því hvaða augum dóttir mín yngsta lítur skólastjóra. Í hennar huga er bara einn skólastjóri...SKÓLASTJÓRINN!  Það er auðvitað Halldór, þó hún þekki nú fleiri skólastjóra...en bara ekki í því samhengi...og Ásgerður leikskólastjóri er í hennar huga bara Ásgerður.

Samtal við morgunverðarborðið:

Mamma (við pabba): Ég þarf að vera mætt tímanlega í vinnuna á föstudaginn því ég verð skólastjóri og þarf kannski að redda forföllum eða öðru í morgunsárið.

Jakob: Af hverju verður þú skólastjóri mamma?

Mamma: Af því skólastjórarnir eru báðir á fundi á Akureyri og þeir báðu mig um að vera skólastjóri á meðan.

Jakob: Ókei...

Auður Magnea (mjög hugsi): Mamma, ef þú verður skólastjóri, hættir þú þá að vera mamma mín?

Ergo: Mömmur eru ekki skólastjórar.

Enn eitthvað klikk í uppeldinu...myndir þú ekki segja það Helga skólastýra?

 

Athugasemdir

[Þórhildur Helga Þorleifsdóttir, 11.10.2008 kl. 21:40]

Nei, nei ekkert klikk í uppeldinu hjá þér,- hún á eftir að átta sig á þessu,- sérstaklega þegar þú verður orðin skólastýra að fullu ;)

Hitti einmitt þá Halldór og Jón á Akureyri,- og líka þeirra fræknu fraukur.