Sr. Pétur allur

Í bljúgri bæn og þökk til þín.

Í bljúgri bæn og þökk til þín,
sem þekkir mig og verkin mín.
Ég leita þín, Guð leiddu mig
og lýstu mér um ævistig.

Ég reika oft á rangri leið,
sú rétta virðist aldrei greið.
Ég geri margt, sem miður fer,
og man svo sjaldan eftir þér.

Sú ein er bæn í brjósti mér,
ég betur kunni þjóna þér,
því veit mér feta veginn þinn,
að verðir þú æ Drottinn minn.

Í minningu séra Péturs Þórarinssonar í Laufási set ég hér inn þessa fallegu bæn sem hann samdi og allir þekkja. Þetta er eini sálmurinn sem ég reyni að kenna öllum nemendum mínum því boðskapurinn er svo skýr og einfaldur. Og ekki skemmir lagið fyrir.

 

Athugasemdir

[Auður Helga (IP-tala skráð) 4.3.2007 kl. 21:41]

Ef ég man rétt þá var þetta lagið sem ég bað alltaf um ef ég mátti velja óskalag. Þetta er svo fallegt og skemmtilegt. Ég ætlaði að fara syngja þetta fyrir strákana mína um daginn og þá komst ég að því að ég mundi ekki textann. Nú copy-a ég hann og geymi í tölvunni :)

Kv. Auður Helga

[Sigþrúður Harðardóttir, 4.3.2007 kl. 22:11]

Jamm...það voruð frekar þið stelpurnar sem báðuð um þetta :-) Og Hedda....henni þótti þetta alltaf svo fallegt...og þykir sennilega enn