Að púsla saman tónum...

...svo úr verði gott lag er náðargáfa sem ekki er öllum gefin. Magnús Eiríksson, annað Mannakornið, er einn af þeim heppnu í þessu tilliti.

Var að koma af Mannakornstónleikum í Versölum. Makalaust skemmtilegt og fjölmenni. Pálmi enn syngjandi og sætur sem forðum. Magnús ekki eins sætur en fyndinn og flínkur á gítarinn, maður lifandi! Agnar Már og Ásgeir Óskarsson voru kornunum til fulltingis í kvöld ...og það spillti engu Mjög góð kvöldstund.

Það var reyndar líka gaman í gærkvöldi á kóratónleikunum. Söngfélagið, Söngsveit Hveragerðis og Jórukórinn slógu saman í konsert sem tókst svona ljómandi. Alltaf gaman að syngja með öðrum, fyrir aðra og hlusta á aðra kóra.

Sem sagt. Menningarlífið blómstar í Þorlákshöfn sem endranær.

Athugasemdir

[Guðrún Sigríks (IP-tala skráð) 15.3.2007 kl. 21:03]

Magnús er víst eins sætur!!! Hann hefur alltaf verið ædolið mitt!!