Litla systir

Þetta er Hrund litla systir mín. Það eru stórir dagar í hennar lífi þessar vikurnar. Fyrir skemmstu ákvað hún að huga að því að flytja frá Flúðum og setjast að á Selfossi. Þar fékk hún mjög spennandi starf sem hún sóttist eftir og hlakkar til að takast á við.

Hörður sonur hennar varð 16 ára í gær, það er líka merkilegt. Hún á afmæli í næstu viku, verður 34 ára. Ekki alveg eins merkilegt nema maður fari að reikna út hvað hún varð ung móðir. Það er kannski svolítið merkilegt!

Svo var stór dagur í dag. Hún fékk staðfestingu á því að hún væri að verða íbúðareigandi í fyrsta sinn. Hún flutti að heiman þegar hún var rúmlega tvítug, en hefur aldrei fjárfest í eigin húsnæði áður. Það er nú aldeilis merkilegur áfangi finnst mér.

Í vor lýkur hún svo framhaldsnámi sem hún hefur verið að sinna meðfram fullu starfi á Flúðum. Hún verður sem sagt sérkennari frá KHÍ. Áður hafði hún lokið diploma-námi í kennslu yngri barna. Hún er eiginlega búin að vera að læra síðan hún útskrifaðist sem kennari. Hún er seig sú stutta!

Til hamingju með þetta allt elsku systir!

Athugasemdir

[Hrund Harðardóttir (IP-tala skráð) 18.4.2007 kl. 10:32]

Takk takk

kveðja,

litla systir

[Jónína Rós Guðmundsdóttir, 18.4.2007 kl. 11:47]

Til hamingju með systur þína og skilaðu kveðju minni til hennar, ótrúlega duglegar margar konur....

Og takk fyrir síðast, þessi landsfundur var óendanlega skemmtilegur og sterkur...