Einn koss enn ...

...og ég segi ekki orð við Jónatan.

 Leikritið hjá Leikfélagi Ölfuss var bara bráðskemmtilegt og leikararnir allir stóðu sig frábærlega. Alltaf gaman í leikhúsi. Takk fyrir skemmtunina.

Það truflaði mig samt svolítið að ekki skyldu allir komast að sem vildu, þurfti að vísa fólki frá við innganginn því ekki var selt nema í afmarkaðan hluta salarins (sem var reyndar góð hugmynd út frá leikhúslegu sjónarmiði). Sem sagt uppselt í kvöld. Í gærkvöldi hefðu fleiri komist að ....en það gátum við ekki vitað sem ákváðum að fara heldur í kvöld - eða komumst ekki nema í kvöld. Ég vildi bara að fleiri hefðu getað notið skemmtunarinnar sem var fín, mjög fín.

Athugasemdir

[kaffikella (IP-tala skráð) 25.4.2007 kl. 00:00]

það er sýning næsta sunnudag í Þjórsárveri, svo er í athugun með fleiri sýningar í Ráðhúsi Ölfuss en eins og er fáum við ekki inni þá daga sem hentað hefðu leikurum.  En já, alltaf leiðinlegt að þurfa að vísa fólki frá - en jafn leiðinlegt að leika fyrir hálf tómu húsi!

[Sigþrúður Harðardóttir, 25.4.2007 kl. 10:22]

Já, fólk skellir sér bara í sveitina