Flottur frændi

Frábær árangur hjá Vésteini frænda mínum! Hann hefur ekki látið deigan síga síðan hann lagði kringluna á hilluna (gera þeir það ekki eins og fótboltamennirnir með skóna?!). Hann hefur náð mjög góðum árangri með marga kringlukastara í Danmörku, Svíþjóð og Eistlandi undanfarin ár og í dag fékk hann bestu launin . Til hamingju Vésteinn og það er örugglega rétt sem hann segir í viðtalinu að Hafsteinn faðir hans hefur fylgst ákafur með. Og verið stoltur af sínum, sem hann hefur reyndar alltaf verið og mátt vera.

Annar Selfyssingur var í sviðsljósinu á Ólympíuleikunum í dag. Þórir vinur minn Hergeirsson er aðstoðarþjálfari norska kvennalandsliðsins í handbolta og þær komust í undanúrslit í dag eftir stóran sigur á Svíum. Frábært..................og flott ef þær fara á pall. Ég kem með hamingjuóskirnar síðar.

Þessir tveir íslensku þjálfarar búa báðir á erlendri grundu en eru miklir Íslendingar og auðvitað Selfyssingar. Þeir eru báðir drengir góðir og mér afar kærir. Ég er stolt af þessum flottu strákum!Áfram Ísland!

 

Vésteinn: „Þetta verður ekki stærra“

Athugasemdir

[Markús frá Djúpalæk, 20.8.2008 kl. 12:57]

Til hamingju með frænda!  Areksmaður eins og hann á kyn til ..