Enn sama tilfinningin

Hún er alltaf eins tilfinningin þegar ég byrja störf á haustin. Eins og hún var fyrir 21 ári austur á Kirkjubæjarklaustri. Kannski talsvert afslappaðri en sama eftirvæntingin. Sömu áformin. Sama tilhlökkunin að hitta nemendur og vinnufélaga. Sama ánægjutilfinningin þegar allt er komið í sinn kassa , stundataflan klár, búin að hitta krakkana sem maður á að kenna, skoða námsefnið,  búin að kaupa nokkra góða penna og krossa við stóran hluta tékklistans. Það getur verið gott að vera kassalaga. Maður veit þá eftir hverju maður leitar og gleðst þegar maður finnur.

Ég veit ekki hvort mig langar nokkuð út úr kössunum mínum.

Athugasemdir

[Jónína Rós Guðmundsdóttir, 22.8.2008 kl. 09:25]

Skil þig fullkomnlega - kassalaga er gott! Ert ekki að fara að kenna í fyrsta sinn í 26 ár - mjög sérstakt, en ég er að fara að læra svo ég get sett allt í kassa og keypt mér penna...

Gangi þér vel í vetur, vinkona.

[Hanna Petra (IP-tala skráð) 22.8.2008 kl. 16:04]

Varð aðeins að kvitta hér á eftir stórusystur! En mikið man ég vel eftir kössunum þínum, man líka að ég öfundaði þig pínulítið á Klaustri í gamla dag, þegar þú sast og raðaðir öllum kennslustundum vetrarins í litla, fína kassa á síðkvöldum og ég, A-manneskjan átti fullt í fangi með að halda mér vakandi (tókst sjaldan!). Notalegt að heyra (lesa) að sumir hlutir breytast ekki.

[Þórhildur Helga Þorleifsdóttir, 22.8.2008 kl. 16:46]

Bara frábært !!

[Guðrún S Sigurðardóttir, 24.8.2008 kl. 21:36]

Þú kallar þetta kassalaga, ég segi rúðustrikað. Ég veit bara ekki hvernig væri hægt að gera þetta öðruvísi.. Ekki tollir þetta allt bara inni í hausnum á manni. Nei, það verður að koma öllu fyrir í kassa eða inni í rúðu.

Skil þig vinkona!

[litla systir (IP-tala skráð) 26.8.2008 kl. 16:27]

Kassaskipulagið er greinilega ættgengt með meiru - það var frábært að sjá tékklistann og skipulagið hjá litlu/stóru  frænku okkar sem var að fara til Marmaris. Sú kann sko að skipuleggja í kassa.

Dásamlegt þegar kassarnir fyllast og tékklistinn styttist á þessum árstíma í vinnunni - árin eru ekki 21 hjá mér en þetta er víst númer 10 ( eftir leyfisbréf) og allt fullt af litlum og stórum kössum í bland við tékklista